Category: دیسی طب

وہ انوکھا راز مچھلی کا سر ہے یعنی مچھلی کے سر صاف کرکے ٹکڑے ٹکڑے کرکے اور حسب معمول ہلکا مرچ مصالحہ ڈال کر
اس کا سوپ بنالیں یعنی شوربہ۔ ایک پیالی صبح ناشتے کے بعد ہلکا نیم گرم چسکی چسکی پئیں۔ بہت اچھا ذائقہ ہوتا ہے لیکن اگر
آپ کو ناپسند ہو تو دوا سمجھ کر ضرور پی لیں۔ ہر تین دن کے بعد ایک پیالی پئیں چند دن چند ہفتے چند مہینے۔ ایک صاحب نے
صرف تین پیالیاں ہی پی تھیں تو ان کی عینک اتر گئی۔ بعض لوگ تھوڑا عرصہ استعمال کرنے کے بعد اس کے سوفیصد رزلٹ
پاتے ہیں۔ بہرحال جتنا پرانا مرض اتنا کچھ عرصے کا استعمال۔ ای ڈی او ماحولیات کو ساڑھے چار نمبر کی عینک لگی ہوئی تھی
انہوں نے صرف تین بار استعمال کیا عینک سے ہمیشہ کیلئے نجات مل گئی۔

ویسے بھی ہماری طب کی کتابوں میں مچھلی کے سر کا شوربہ فالج‘ لقوہ‘ لنگڑی کا درد‘ یعنی شاٹیکا‘ اعصابی کمزوری‘
پٹھوں کی کمزوری‘ قبل ازوقت بڑھاپا‘ جوڑوں کا پرانا اور دیرینہ درد‘ جسمانی اور اعصابی کھچائو اور یادداشت کی کمی
کیلئے نہایت آزمودہ اور ٹانک چیز۔ ایسے لوگ جو اپنی یادداشت بالکل کھوچکے ہوںیا جن کی یادداشت ختم ہونے کے
قریب ہو‘ جوانی میں یا بڑھاپے میں‘ وہ یہ شوربہ ضرور استعمال کریں۔ بعض طبیعت موسم گرما میں برداشت نہیں کر
سکتی تو موسم سرما اس کیلئے نہایت بہترین ہے۔ آپ کو ان تمام بیماریوں میں کوئی بیماری نہیں لیکن آپ اگر کچھ عرصہ
مچھلی کے سر کے سوپ استعمال کرلیں تو ان بیماریوں میں سے کوئی بیماری آپ کو چھو بھی نہیں سکتی۔ مجھے انڈیا
کی ریاست کیرالہ کے ایک صاحب نے بیرون ملک ایک بات بتائی کہ وہاں کے لوگ ریاضی‘ سائنس اور دنیا کے مشکل
سے مشکل ترین علوم میں بہت باکمال ہیں‘ میں نے اس کی وجہ پوچھی کہنے لگے مچھلی اور مچھلی کے سر کا استعمال۔
مچھلی کا سر عقل کی آخری سرحدوں سے دانائیوں اور دانشمندیوں کو نکال کر انسان کے وجود میں نکھر کر معاشرے میں
اس کی صلاحیتوںکو بکھیردیتا ہے۔ یہ وجود لاکھوں کروڑوں کی خیروں اور برکتوں کا ذریعہ بنتا ہے۔ آئیے! ہم مچھلی کے سر
سے فائدہ اٹھائیں اسے ضائع ہونے سے بچائیں۔ بس اتنا کرلیں کہ بڑوں کیلئے ایک پیالی اور بچوں کیلئے آدھی پیالی ہر دو یا تین
دن کے بعد چند دن چند ہفتے یا چند مہینے استعمال کریں۔ میرا تو مشورہ یہی ہوگا کہ یہ تجربہ آپ اور لوگوں تک بھی پھیلائیں
اور اسے عام سے عام کریں‘ سستا بے ضرر اور نہایت کارآمد ٹوٹکا ہے۔

بواسیر کا علاج

ہر قسم کی بواسیر میں مفید
بھنگ کے پتے خشک ایک کلو
گیرو (لال مٹی) ایک پاوء
ست پودینہ3 تولہ
بھنگ کے پتے اور گیرو کو پیس کے مکس کر لیں اور ست پودینہ کو ہاتھ سے مسل کر مکس کر دیں
ترکیب استعمال: ایک چمچ کھانے والا صبح نہار پیٹ ایک چھٹانک مکھن کے ساتھ.. سات دن تک استعمال کریں .
. عندالضرورت 1 2 دن زیادہ بھی استعمال کر سکتے ہیں
پرہیز: نمک ،مرچ ،گڑ ،شکر ،
سات دن دھی اور دودھ کا استعمال کریں روٹی بھی دودھ کے ساتھ کھائیں انشاءاللہ پرانی سے پرانی بواسیر بھی ختم ہو جائے گی،
بشکریہ منیر احمد صاحب

سنیاسی راز

سَن + یا + سی (سنسکرت)
سنسکرت سے اردو میں ماخوذ اسم کیفیت سنیاس کے ساتھ فارسی قاعدے کے تحت ی بطور لاحقہ نسبت بڑھانے سے سنیاسی بنا۔
اردو میں بطور صفت نیز اسم استعمال ہوتا ہے اور سب سے پہلے 1639ء کو “طوطی نامہ” میں تحریراً مستعمل ملتا ہے۔
صفت نسبتی (مذکر)
جنسِ مخالف: سَنْیاسَن {سَن + یا + سَن}
جمع ندائی: سَنْیاسِیو {سَن + یا + سِیو (و مجہول)
جمع غیر ندائی: سَنْیاسِیوں {سَن + یا + سِیوں (و مجہول)

وہ شخص جو دنیا سے الگ تھلگ رہے، تارک الدنیا، جوگی، سادھو،
مترادفات:
تِیاگی، جوگی، زاہِد، راہِب۔
ﮨﻨﺪﻭﻣﺖ ﻣﯿﮟ ﺩﻧﯿﺎ ﮐﻮ ﺗﺮﮎ ﮐﺮﻧﮯ ﺍﻭﺭ ﺑﺮﯼ ﻋﺎﺩﺗﻮﮞ ﮐﻮ ﭼﮭﻮﮌ ﮐﺮ ﺟﻮﮒ ﺍﻭﺭ ﻓﻘﯿﺮﯼ ﺍﭘﻨﺎﻧﮯ ﮐﻮ ﺳﻨﯿﺎﺱ ﮐﮩﺎ ﺟﺎﺗﺎ ﮨﮯ۔ ﺍﻭﺭ ﺍﺱ ﻋﻤﻞ ﮐﻮ ﮐﺮﻧﮯ ﻭﺍﻟﮯ ﻣﺮﺩ ﮐﻮ ﺳﻨﯿﺎﺳﯽ ﺍﻭﺭ ﻋﻮﺭﺕ ﮐﻮ ﺳﻨﯿﺎﺳﻨﯽ ﯾﺎ ﺳﻨﯿﺎﺳﻦ ﮐﮩﺎ ﺟﺎﺗﺎ ﮨﮯ۔

طب کی اصطلاح میں وہ شخص جو قدرتی جڑی بوٹیوں کے مرکب سے نسخہ جات بنا کر لوگوں کو فیض یاب کرتا ہے یا مختلف دھاتوں یا معدنیات کو کشتہ کرکے علاج کرتا ہے
سنیاسی کہلاتا ہے, اور اس طریقہ علاج کو سنیاس کہتے ہیں, سنیاسیوں کی پہچان اکسیری کشتہ جات ھیں اور انکو ظاھری علوم میں کوئی دلچسپی نہیں ھوتی،
سنیاسیوں کو علم سینہ بہ سینہ بزرگان سے ملتا رھتا ھے۔ علمِ کیمیا میں انکو خاص دسترس حاصل ھوتی ھے۔ سنیاس کے علم کے لیے کسی مذہب یا زبان کی کوئی قید نہیں
یہ علم برصیغر پاک و ہند میں بہت مقبول ہے جہاں تک سنیاسی نسخہ جات کی افادیت کی بات ہے تو انتہائی ذود اثر اور بہت ہی خطرناک بیماریوں کی شفایابی کا
باعث بنی ھیں۔ ایک انتہائی کٹھن شعبہ طب جس میں سنیاسی کی زندگی بوٹیوں کی تلاش اور تجربات میں جنگلوں بیانوں اور ویرانوں میں گزرتی ہے,
انکا پنسار قدرت کا بنا ھوا یہ سارا جہان ھے۔ معاشرتی ناانصافیوں اور حرص و لالچ کی وجہ سے اب یہ عظیم فن ختم ہوتا جا رہا ہے، یہ بھی ایک وجہ کم یابی ہے
کہ اس عظیم فن کی کوئی عملی درسگاہ نہیں،
حقیقت یہ ھے کہ سنیاسی لوگ وہ ھوتے ھیں جو دُنیا کی سیاست اور ڈرامے بازیوں سے متنفر ھوکر اپنی زندگی پہاڑوں، بیابانوں اور جنگلوں میں گذارتے ھیں
جہاں وہ قدرتی چیزوں پر تجربات کرتے ھیں اور اپنے کام میں لاتے ھیں، انکے تجربات میں معمولی سے معمولی حشرات الارض سے لیکر ھر قسم کے جنگلی جانور اور جنگلی جڑی بوٹیاں شامل ھوتی ھیں،
حتی کہ بعض جانوروں کے فضلے اور انکے اندرونی اعضاء کو بھی کام میں لاتے ھیں، مختلف درندوں کی چربیاں، جنگل کے بادشاہ شیر کی چربی سے لیکر رینگنے والے
جانور سانڈے کی چربی تک بہت سے جانوروں کے دل، گردوں، پِتوں، آنتوں، خصیوں، ھڈیوں، حتی کہ انکے ناخنوں اور جِلد تک کو کام میں لاتے ھیں،
مختلف درختوں کی گوندوں اور ان درختوں سے نکلنے والے پانیوں اور دودھ وغیرہ میں مختلف دھاتوں کے کشتہ جات بناتے ھیں، پھر پہاڑوں پر مختلف پتھروں اور ان سے
نکلنے والی قیمتی چیزوں پر تجربات کرتے ھیں، آپ لوگ حیران ھونگے کہ پہاڑوں سے بھی مختلف پتھروں سے رِسنے والی رطوبات جن میں مختلف معدنیات کی تاثیر شامل ھوتی ھے،
انکو بھی اپنے کام میں لاتے ھیں، غرضیکہ قدرت نے جو بھی چیزیں زمین پر پیدا کی ھیں ان سب کو کسی نہ کسی طریق سے کام میں لاتے ھوئے اور ان پر تجربات کرتے ھوئے ان کی عمر گذر جاتی ھے،
سنیاسی لوگ اپنے تجربات کرتے ھوئے دنیا کے کسی قاعدے قانون کو نہیں مانتے اور نہ یہ لوگ دُنیاوی علوم کو مانتے ھیں، نہ انکو مفتیوں کی پرواہ ھوتی ھے کہ جو چیزیں استعمال کرتے ھوئے
حرام و حلال کا فتوای لگاتے ھیں، اسلیئے یہ لوگ ایسے ماحول میں دنیا والوں سے دور نکل جاتے ھیں جہاں انکو کوئی ڈسٹرب نہ کرسکے، یہ لوگ کسی کو تنگ نہیں کرتے اور نہ ھی چاھتے ھیں کہ کوئی انکو تنگ کرے،

تحریر : لقمان بن سلطان

سیر میں برلبِ سٹرک خودرو بوٹیوں کی طرف اشارہ کرکے اور حضرت مولوی حکیم نور الدین صاحب کو مخاطب کرکے حضرت اقدس نے فرمایا کہ :۔
یہ دیسی بوٹیاں بہت کار آمد ہوتی ہیں مگر افسوس کہ لوگ ان کی طرف توجہ نہیں کرتے ۔
حضرت مولوی صاحب نے عرض کیا کہ یہ بوٹیاں بہت مفید ہیں۔ گندلوں کی طرف اشارہ کرکے کہا کہ ہندو فقیر لوگ بعض اسی کو جمع کر رکھتے ہیں اور اسی پر گذارا کرتے ہیں۔ یہ بہت مقوی ہے اور اس کے کھانے سے بواسیر نہیں ہوتی۔ ایسا ہی کنڈیاری کے فائدے بیان کئے جو پاس ہی تھی۔
حضرت نے فرمایا کہ :۔
ہمارے ملک کے لوگ اکثر اُن کے فوائد سے بے خبر ہیں اور اس طرح توجہ نہیں کرتے کہ اُن کے ملک میں کیسی عمدہ دوائیں موجود ہیں جو کہ دیسی ہونے کے سبب اُن کے مزاج کے موافق ہیں۔
(ملفوظات جلد 9 صفحہ 254-255)

طلسمی قہوہ

دوستوں کی خدمت میں ایک نہایت شاندار قہوہ کا نسخہ پیش کر رھا ھوں، جو ھاضمے اور جسم کو ایکـٹـِیو رکھنے نیز عام زبان میں چُست اور چاک و چوبند رھنے کے لئے بہترین چیز ھے، کھانے کے بعد کولڈ ڈرنکس یا چائے وغیرہ پـینے کی بجائے یہ قہوہ استعمال کریں، علاوہ ازیں امراضِ پـیٹ، اعصابی کمزوری، پٹھوں کی کمزوری، معدے اور آنتوں کی کمزوری، امراضِ سینہ اور دماغ کے لئے لاجواب چیز ھے، اسکے علاوہ آپ جب استعمال کریں گے تو آپکو پتہ چلے گا کہ جسم کے باقی اعضاء کیلئے کیسی اعلی چیز ھے، میرا مشورہ ھے کہ جو لوگ کثرت سے چائے پـیتے ھیں اور چائے پر خرچہ کرتے ھیں وہ چائے چھوڑ کر اس سستے اور طلسمی قہوے کو استعمال کریں، خالی پـیٹ اور خالی منہ بلکہ خالی جیب بھی استعمال کرسکـتے ھیں یعنی اس سے سستا اور فوائد میں قیمتی قہوہ شاید اور کوئی نہ ھو،
اسے معمولی سمجھ کر ڈیلیٹ کرنے کی ٹوکری میں نہ پھـینکیں ورنہ آپکا اپنا نقصان ھے اور اس اھم نسخے سے ہاتھ دھو بـیٹھـیں گے، بعض دفعہ ایک چیز سے انسان اگر ہاتھ دھو بـیٹھـے تو پھر سینکڑوں دفعہ ہاتھ منہ دھونے کے بعد بھی وہ چیز نہیں ملـتی اسلیئے اسے سنبھال کر رکھیں اور استعمال کریں، میرا ذاتی مجرب نسخہ ھے، اس کے ایک ایک جـُز پر ناچیز نے تحقیق کرکے خود ان اجزاء کو ترتیب دیا ھے،
میں اپنے مہمانوں کی خاطر تواضع اس لذیذ قہوہ سے کرتا ھوں، دوست حیران ھوکر کہتے ھیں کہ اتـنا خوشبودار اور مزیدار قہوہ کبھی نوش نہیں فرمایا، جب یہ پک رھا ھوتا ھے تو سارا گھر اسکی خوشبو سے مہک اُٹھـتا ھے،
میرا خیال ھے اس قہوۂ عظیمہ کی تعریف کافی ھوگـئی لیکن سب سے بڑھ کر تعریف اس خدا کی جس نے ایسی زبردست نعمـتـیں پـیدا کرکے ھم کمزوروں کی راھنمائی فرمائی، اُسی پاک ذات کی صفتِ شافی کا واسطہ دے کر ھمیں اپنی بیماریوں کیلئے دُعا کرنی چاھیئے،
ھوالشافی
بادیان خطائی 100 گرام
دارچینی 50 گرام
لونگ 20 گرام
الائچی خورد 20 گرام
سونٹھ 20 گرام
پودینہ 20 گرام،
تمام اجزاء اچھی قسم کے لےکر سب کو باریک کرکے خشک اور صاف ستھرے ڈبـے میں محفوظ رکھیں، اگر ایک کپ قہوہ بنانا ھو تو ڈیڑھ کپ پانی ایک ساس پین میں ڈال کر دو چٹکیاں مقدار سے یہ سفوف ڈال دیں اور آگ پر پکائیں، پکـتے ھوئے حسبِ توفیق و حسبِ ذائقہ چینی، گـڑ ، شکر یا شہد ڈال لیں، ایک کپ رہ جانے پر بغیر چھانے نوش فرمائیں، شوگر کے مریض بغیر چینی کے استعمال کریں،
دعاؤں میں یاد رکھیں،
آپکی صحتمند زندگی کیلئے دعا گو
لقمان احمد سلطان